Knowledge Managment » E-QEVERISJE & INFORMIM PUBLIKKnowledge Managment

Ofrimi i shërbimeve administrative në nivel vendor

km — Sun, 07 Jan 2018 11:22:36 +0000

Ky trajnim është hartuar me synim rritjen e kapaciteteve profesionale të burimeve njerëzore të bashkive në funksion të ofrimit të shërbimeve administrative për qytetarët. Kurrikula e trajnimit përshkruan shërbimet administrative të ofruara në njësitë e pushtetit vendor si edhe mënyrën e ofrimit të shërbimeve në kushtet e organizimit të njësive të pushtetit vendor pas zbatimit të reformës administrative territoriale. Kjo kurrikul përmbyllet me përshkrimin e proçedurave për ofrimin e shërbimeve të organizuara sipas sektorëve. Kurrikula është bazuar në një studim mbi ofrimin e shërbimeve në pushtetin vendor, pjesë e të cilit ka qenë konsultimi i bazës ligjore, i praktikave të ndjekura në disa njësi të pushtetit vendor si edhe një konsultim i vazhdueshëm me aktorët që operojnë në fushën e shërbimeve publike si në nivelin qendror dhe atë vendor.

Ofrimi i shërbimeve administrative në nivel vendor

km — Mon, 29 May 2017 08:26:07 +0000

Analiza e Sherbimeve ne NjQV

km — Wed, 05 Aug 2015 12:59:16 +0000

Ky raport prezanton rezultatinparapraktë punës për përgatitjen e një modeli për zyrat e integruara me një ndalesëpër ofrimin e shërbimit në njësitë e qeverisjes vendore pas hyrjes në fuqi të ndarjes së re administrative territoriale në Republikën e Shqipërsisë.
Raporti përmbyll fazën e dytë të aktiviteteve me dokumentimin e rrjedhës së punës për ofrimin e shërbimeve që ofrohen aktualisht në njësitë e qeverisjes vendore që shërbyen si kampion i këtij studimi

QEVERIA ELEKTRONIKE NË NIVEL VENDOR reforma më transformuese drejt qeverisë së mirë vendore

km — Wed, 28 Jan 2015 11:25:04 +0000

Qëllimi i këtij dokumenti është të nxisë politikbërje dhe legjislacion në nivel kombëtar dhe vendor për dixhitalizimin e qeverisë vendore, si dhe të nxisë ndërtimin e një platfome efektive ndërveprimi dhe bashkëpunimi mes qeverisë vendore, përfituesve të shërbimeve, agjencive qevertare dhe aktorëve privatë TIK për të mundësuar krijimin e bazave të një reforme të qëndrueshme në funksion të eQeverisë dhe eDemokracisë në nivel vendor për ta bërë qeverinë vendore në Shqipëri pjese të axhendës dixhitale të Europës.

Propozimi i dldp per Axhenden Dixhitale te Shqiperise 2014-2020

km — Sat, 30 Aug 2014 09:46:22 +0000

Qeveria vendore (QV) në Shqipëri po zhvillon sjelljen e saj ndaj shoqërisë së informacionit dhe TIK, por qeverisja tradicionale (t–Qev) vijon të jetë dominuese dhe disa hapa prapa nga e–Qeverisjes në nivel qendror. Politikat dhe objektivat kombëtare në kuadër të Strategjisë për Shoqërinë e Informacionit kanë qenë modeste për qeverisjen vendore, ndërkohë që ka vënde të cilat kanë aplikuar strategji të veçanta për e–qeveri vendore.

Strategjia dhe plani i veprimit per sherbimin e vizitorit Komuna Velipoje

km — Tue, 26 Aug 2014 11:58:08 +0000

Përgatitja e Strategjisë së Informacionit për Vizitorin për Velipojën ka marrë nismën nga nevoja për të adresuar rritjen e vazhdueshme të vizitorëve dhe larminë e madhe të shërbimeve që ofrohen dhe mund të ofrohen në këtë zonë. Në frymën e re të zhvillimeve në komunë, nevoja për të nxjerrë në pah vlerat e ndryshme të saj, që nga ato natyrore dhe njerëzore, bazuar dhe në punën e deritanishme të bërë nga komuna dhe biznesi, u punua në modernizimin e këtij shërbimi dhe përafrimin e tij me atë rajonal.

Strategjia dhe plani i veprimit per sherbimin e vizitorit Komuna Shengjin

km — Mon, 21 Apr 2014 19:37:44 +0000

Përgatitja e Strategjisë së Informacionit për Vizitorin për Shëngjinin ka marrë nismën nga nevoja për të adresuar rritjen e vazhdueshme të vizitorëve në Shëngjin. Në frymën e re të zhvillimeve në komunë, nevoja për të nxjerrë në pah vlerat e ndryshme të saj, që nga ato natyrore dhe njerëzore, si dhe mungesa totale e informacionit për një vizitor të pritshëm apo vizitor që ka mbërritur, angazhoi më shumë stafin e Komunës në gjetjen e një zgjidhjeje.

Qeverisja Vendore Elektronike (Zyra me nje ndalese)

km — Mon, 21 Apr 2014 09:49:13 +0000

Gjatë fazës së parë të dldp, zbatuar në periudhën 2006 -2009 në Qarkun Shkodër, u mundësua projekti i asistencës për ngritjen e Zyrës me Një Ndalesë në Komunë Dajç Bregu i Bunës, një projekt i zbatuar nga Fondacioni për Autonomi Vendore dhe Qeverisje – FLAG gjatë periudhës 2008 – 2010.

Mjetet e informim – komunikimit (Modele të mira nga Njësi të Qeverisjes Vendore)

km — Mon, 21 Apr 2014 09:43:39 +0000

Broshura vendore për përdorimin efikas të mjeteve të informimit dhe komunikimit me qytetarët synon ndërtimin e infrastrukturës institucionale nga njësitë e qeverisjes vendore (NJQV), për t’u dhëne mundësi qytetarëve që në kuadrin e transparencës të verifikojnë nëse vendimet e marra dhe zbatimi i tyre është në përputhje me ligjet dhe rregullat, të besojnë te qeverisja e tyre
dhe të bashkëpunojnë në veprimtarinë e saj për përmirësimin e performancës qeverisëse.
Materiali jep koncepte mbi disa mjete informimi, përshkrime të thjeshta, të drejtpërdrejta e funksionale të nocioneve kryesore, të ilustruara me modele e praktika të suksesshme nga njësitë vendore në Qarkun Shkodër, Lezhë dhe më gjerë, të cilat përdoren për të informuar, ndërgjegjësuar apo komunikuar me qytetarët dhe grupet e interesit në proceset qeverisëse.

Manual për ngritjen e faqeve Web per njesite e qeverisjes vendore

km — Mon, 21 Apr 2014 09:33:37 +0000

Qeverisja elektronike ka të bëjë me përdorimin e teknologjisë së informacionit dhe komunikimit (TIK), për ushtrimin e funksioneve qeverisëse si në nivel qendror dhe atë lokal nga Njësitë e Qeverisjes Vendore (NJQV) si Bashkitë, Komunat apo dhe nga Këshillat e Qarkut. Ajo është një mundësi për qeverisje më të mirë duke rritur transparencën dhe efikasitetin e ofrimit të shërbimeve për qytetarin dhe bizneset.