Knowledge Managment » UdhëzuesKnowledge Managment

PERGATITJA E BUXHETIT VJETOR MANUAL TRAJNIMI PER ZYRTARET E QEVERISJES VENDORE

km — Sun, 07 Jan 2018 08:47:35 +0000

Manuali “Përgatitja e Buxhetit Vjetor (PBV)” për Zyrtarët e Qeverisjes Vendore është pjesë e
serisë së moduleve të trajnimit projektuar për t’iu përgjigjur nevojave të zyrtarëve të pushtetit
vendor në praktikat e menaxhimit financiar publik. Ajo është rezultat i përpjekjeve intensive
të disa autorëve me formim në fusha të ndryshme. Ky publikim së bashku me manualin “Zbatimi dhe Monitorimi i Buxhetit” bazohet në një nismë të ndërmarrë nga HELVETAS Swiss Intercooperation në Shqipëri, në kujdesin e Programit për Decentralizim dhe Zhvillim Vendor (dldp).

PLANIFIKIMI FINANCIAR AFATMESEM NE KONTEKSTIN E SHQIPERISE MANUAL PER INSTRUMENTIN E PLANIFIKIMIT FINANCIAR ME BAZE EXCEL, VERSION I DYTE PER QEVERITE VENDORE

km — Sun, 07 Jan 2018 08:32:30 +0000

Planifikimi financiar për afate të shkurtra dhe të mesme u identifikua si një sfidë kryesore për
qeverisjen vendore shqiptare. Për këtë arsye, që më 2010, projekti i decentralizimit dhe zhvillimit vendor , dldp, i financuar nga Swiss Agency for Development and Cooperation SDC dhe i zbatuar nga Helvetas Swiss Intercooperation, përpunoi idenë e lehtësimit të procesit të buxhetit afatmesëm nëpërmjet një instrumenti elektronik të planifikimit financiar (IPF).
Instrumenti duhej të ishte me kosto të ulët, i përshtatshëm për kontekstin shqiptar dhe i zbatueshëm në çdo bashki të Shqipërisë.

PLANIFIKIMI STRATEGJIK DHE FINANCIAR MANUAL PER NJESITE E QEVERISJES VENDORE NE SHQIPERI AFATMESEM DHE AFATGJATE

km — Sun, 07 Jan 2018 08:27:45 +0000

“Manuali për Planifikimin Strategjik dhe Financiar Afatmesëm dhe Afatgjatë” është rezultat i përpjekjeve të disa autorëve dhe disa përvojave të mëparshme. Ky manual bazohet në iniciativën e ndërmarrë nga Programi për Decentralizimin dhe Zhvillimin Vendor në Shqipëri, i zbatuar nga Intercooperation dhe i financuar nga Agjencia Zviceriane e Zhvillimit (SDC). Përgatitja e dokumentit kaloi në një proces konsultimesh të vazhdueshme me Shoqatën e Bashkive të Shqipërisë (SHBSH) dhe Shoqatën e Komunave të Shqipërisë (SHKSH), dhe u mbështet nga Intercooperation në Shqipëri.

Planifikimi Strategjik dhe Financiar Afatmesëm dhe Afatgjatë

km — Sun, 06 Apr 2014 13:54:05 +0000

Marrëdhënia ndërmjet qeverisë qendrore dhe asaj vendore po ndryshon në të gjithë botën. Një nga treguesit e këtij ndryshimi është orientimi gjithnjë e më tepër drejt decentralizimit, duke i siguruar qeverive vendore autonomi në një sërë çështjesh. Tregues tjetër i këtij ndryshimi është zhvendosja e fokusit nga hartimi i politikave në nivel kombëtar në ato në nivel rajonal, duke i kushtuar vëmendje identifikimit të avantazheve konkurruese dhe duke orientuar zgjidhjet e bëra në nivel vendor në funksion të zhvillimit social – ekonomik dhe rritjes së cilësisë së jetesës.

Manual i Instrumentit të Planifikimit Financiar në version excel IPF

km — Sun, 06 Apr 2014 13:43:36 +0000

Që nga viti 2009 qeveritë vendore në Shqipëri, janë të detyruara të përgatisin një buxhet afat-mesëm bazuar në ligjin 9936 për Menaxhimin e Sistemit Buxhetor në Republikën e Shqipërisë. Ligji kërkon që me anë të buxhetit afat-mesëm të zbatohet një politikë e integruar dhe një plan financiar për një afat kohor tre vjeçar. Buxheti afat-mesëm konsiderohet si ndërlidhja midis planit strategjik afat-gjatë brenda një harku kohor prej dhjetë ose më shumë vitesh dhe buxhetit vjetor.